Innanlands

Alis Jóna Højsted sett sum skúlastjóri í Vestmanna

Hon tekur við starvinum 20. september

Alis Jóna Højsted (Mynd: Uttanríkis- og mentamálaráðið)

Alis Jóna Højsted (Mynd: Uttanríkis- og mentamálaráðið)

2021-09-14 15:34 Author image
Tíðindaskriv
placeholder

Jenis av Rana, landsstýrismaður í uttanríkis- og mentamálum, hevur sett Alis Jónu Højsted í starvið sum skúlastjóra í Vestmanna skúla. Alis er 56 ára gomul og tók læraraprógv í 2005. Seinni hevur hon tikið prógv sum orðblindalærari og sum serlærari.

Alis hevur drúgvar undirvísingarligar royndir sum lærari, serlærari, og orðblindalærari. Hon hevur leiðsluroyndir bæði í skúlahøpi og innan tað privata. Hesi síðstu tvey skúlaárini hevur Alis verið í starvi sum einalærari í Oyndarfjarðar skúla og hevur luttikið á leiðsluskeiði.

Alis tekur við starvinum sum skúlastjóri í Vestmanna skúla tann 20. september 2021.

placeholder

Vinarliga broyt tínar kennifíla - og privatlívsstillingar fyri at síggja hetta innihald

placeholder