Síðani 2016 hevur Reyði Krossur bjóðað fíggjarliga sperdum familjum í Føroyum ókeypis barnaklæðir, og síðani 2020 hevur eisini borið til at fáa ókeypis mat.
Reyði Krossur Føroya boðar í dag frá, at sambært teirra tølum er tørvurin á bæði mat- og klædnahjálp týðiliga øktur hetta seinasta árið.
Tilsamans eru 80 prosent fleiri umbønir um mat- og klædnahjálp móttiknar fyrsta hálva árið í 2022, samanborið við í fyrra hálvaár í fjør, 2021.
Tveir triðingar av umbønunum um mat- og klædnahjálp koma frá húsarhaldum við einum uppihaldara.
- Vit hava eisini sæð, at í 2022 eru lutfalsliga fleiri, sum einans biðja um mat, í mun til undanfarin ár, harímillum bæði pensjonistar og barnafamiljur.
Vinarliga broyt tínar kennifíla - og privatlívsstillingar fyri at síggja hetta innihald