Innanlands

60 km/t um brúnna

Arbeitt verður við eini varðandi loysn á ferðslutrygdini á vandamikla vegastrekkinum við Streymin

(Savnsmynd: Ólavur Frederiksen)

(Savnsmynd: Ólavur Frederiksen)

2022-05-16 17:05 Author image
Ingi Samuelsen
placeholder

Nú verður okkurt gjørt við ferðslutrygdina á landsvegnum við Streymin.

Heimasíðan hjá Sunda kommunu skrivar í dag, at eftir fleiri ferðsluóhapp seinastu nógvu árini, hevur kommunan áhaldandi heitt á myndugleikarnar um at gera okkurt við trygdina á hesum teininum.

Nú verður arbeitt við at finna eina varandi loysn á ferðslutrygdini. Landsverk upplýsir, at fyrireikandi arbeiðið til eina varandi loysn er sett ígongd, og at arbeiði gongur eftir ætlan.

Onki verður sagt um, hvørjar ætlanir eru. Men sum fyribils ábót er avgerð tikin um, at hámarksverðin á vegastrekkinum einaferð komandi mánaða verður sett niður á 60 kilometrar um tíman.

Les eisini oddagrein um Blaðnum Vikuskifti 19. februar 2022: Rundkoyring nú  

placeholder

Vinarliga broyt tínar kennifíla - og privatlívsstillingar fyri at síggja hetta innihald

placeholder