400 fólk hittast til ættarstevnu á Giljanesi leygardagin

Ættarstevna fyri eftirkomarunum hjá Jacobinu, sum var úr Gomlustovu í Sørvági, og Zachariasi, sum var úr húsinum Norðan fyri Garð í Sandavági verður leygardagin.

Jn.fo skrivar, at talan er um eini 400 fólk, sum vera á ættarstevnuni.

Jacobina og Zacharias giftust inn Norðan fyri Garð 17. september 1865 og fingu 11 børn. Hann var tá løgtingsmaður, og nøkur ár seinni gjørdist hann eisini sýslumaður í Vágum.