Føroya Lærarafelag heitir nú á Undirvísingarstýrið um at taka málið av nýggjum, sum førdi til, at varaskúlastjórin á Vestmanna skúla varð søgd úr starvi.
Í opnum brævi vísir formaður Lærarafelagsins, Jacob Eli Olsen, á, at Undirvísingarstýrið í hesum føri hevur gjørt bæði lærarum og varaskúlastjóranum órætt við ikki at hava hoyrt partarnar í ósemjuni áðrenn avgerð varð tikin um at senda varaskúlastjóran heim.
- Tað er ikki góður fyrisitingarsiður, at allir partar í einum máli ikki verða hoyrdir um viðurskifti, sum beinleiðis viðvíkja teimum, skrivar Jacob Eli Olsen millum annað.
Føroya Lærarafelag heitir tí á Undirvísingarstýrið at vísa varaskúlastjóranum og lærarunum virðing og viðgera málið av nýggjum.
(Undiryvirskrift og byrjanartekstur rættaður og nágreinaður 18.08)
Vinarliga broyt tínar kennifíla - og privatlívsstillingar fyri at síggja hetta innihald