- Klippið nú trøini til ólavsøku

Tórshavnar kommuna heitir nú á fólk á heimasíðuni um at klippa av trøum og runnum móti gøtu, vegi og almennum øki samsvarandi reglunum.

Løgreglan kann eftir samráð við kommununa krevja, at trø og runnar og annar vøkstur verða stívd, sneidd ella snøggað, og um boðini ikki verða aktað, kann arbeiðið verða gjørt fyri rokning grundeigarans.

Kommunan sigur, at klipt skal verða ájavnt við mark, yvir gongu- og súkklubreyt skal fríhæddin vera 2,5 metrar. Hæddin yvir koyrivegi skal vera 4,2 metrar - og tá skal fyrivarni takast fyri, at regn kann tyngja greinarnar niður.