Zelenskyj: Samráðingarnar halda fram í USA

Umboð fyri Ukraina eru í løtuni ávegis til USA at fara undir nýggjar friðarsamráðingar, skrivar ukrainski forsetin, Volodymyr Zelenskyj á sosiala miðilin X.

– Uppgávan er greið: Skjótt og ítøkiligt at gera ætlan um neyðugu stigini fyri at enda kríggið, skrivar hann.

Talan er um framhald av samráðingunum í Sveis, har eitt uppskot til friðaravtalu varð gjørt, skrivar Ritzau.

Zelenskyj leggur afturat, at Ukraina og USA arbeiða víðari á uppbyggjandi hátt, og sær hann fram til at síggja frágreiðingina hjá ukrainsku sendinevndini eftir samráðingarnar í USA í morgin.