Yvir 300 tilburðir staðfestir í gjár

Í gjár, mikudagin 5. januar, vórðu 317 nýggir koronutilburðir staðfestir. Hetta vísa nýggjastu tølini hjá landslæknanum.

Talan er um mettal fyri triðju ferð seinastu viku, hvat smittu viðvíkur, men at Omikron gevur milda, ella onga veruliga, sjúkragongd, og at einki veruligt trýst er á sjúkrahúsverkinum, orsakað av koronu, benda tølini seinastu tíðina á.

Talið á innlagdum er anann dagin á rað farið niður. Í løtuni eru 1408 smittað við koronu, men bert ein við korona er innlagdur, sambært korona.fo.

3785 kanningar vóru gjørdar seinasta døgnið. Harvið er positivprosentið 8,4.

Dagført: 18.14