Xi til Norðurkorea í komandi viku

Í komandi viku vitjar kinesiski forsetin, Xi Jinping í Norðurkorea, boða kinesiskir statsmiðlar frá í dag sambært fleiri tíðindastovum.

Tað er eftir innbjóðing frá norðurkoreanska leiðaranum, Kim Jong-un, at Xi vitjar í Norðurkorea 8. og 9. juni.

Tað er ikki greitt, hvat er á skránni undir vitjanini.

Kina er ein avgerandi stuðul hjá Norðurkorea, sum er eitt av heimsins mest avbyrgdu londum. Hóast tætta samstarvið millum londini, er tað sjáldan, at ein kinesiskur forseti vitjar í Norðurkorea.

Seinast Xi var í Norðurkorea var í 2019, og tað var tá fyrstu ferð, at ein kinesiskur forseti hevði vitjað í Norðurkorea síðan 2005.

Kina hevur arbeitt við at styrkja samstarvið við Norðurkorea, eftir at Norðurkorea styrkti samstarvið við Russland. Norðurkorea hevur m.a. sent herfólk og vápn til Russlands, sum hevur verið í kríggi við Ukraina síðan februar 2022.