Víðka kirkjugarðin við Norðskála

Á býráðsfundi mánakvøldið samtykti býráðið í Sunda kommunu einmælt at víðka plássið í kirkjugarðinum við Norðskála.

Tørvur hevur leingi verið á einari víðkan av kirkjugarðinum. Í víðkanini verða eftir ætlan 58 nýggjar dupultgravir, og arbeiðið fer í gongd í summar, skrivar Sunda kommuna.

Brim Arkitektar hava arbeitt við einum uppskoti, og víðkanin av kirkjugarðinum hevur verið í útboði.

Trý tilboð og eitt alternativ komu inn uppá arbeiðið. Tað var Sp/f Urtagarðstænastan, sum hevði lægsta tilboðið, og býráðið hevur einmælt samtykt at fara undir samráðingar við Sp/f Urtagarðstænastuna um arbeiðið.