Video: Er nú krøkt uppí rúmdarstøðina

Rúmdarhylkið, sum í gjárkvøldið varð sent í rúmdina frá Kenedy Space Center í Florita kom seinnapartin okkara tíð til altjóða rúmdarstøðina, og er nú krøkt uppí.

Tað hendi 19 tímar eftir, at rakettin við teimum báðum 49 ára gamla Robert Behnken og 53 ára gamla Douglas Hurley varð send avstað.

(Mynd: EPA)

Eina løtu eftir fráferð varð rúmdarhylkið við teimum báðum astonautunum umborð skilt frá rakettini Falcon 9, og fór í umferð kring Jørðina. Altjóða rúmdarstøðin er 420 kilometrar yvir Jørðini.

Teir báðir astronautarnir fara næstu mánaðirnar at vera á rúmdarstøðini og skulu gera ymsar royndir.