Vegabreytin má umvælast

Eldurin í einum bussi oman fyri Norðskála um vikuskiftið hevur tikið so hart upp á vegabreytina, at tað framvegis bert er koyrandi eftir aðrari vegabreytini á einum strekki á millum 100 og 150 metrar norðan fyri rundkoyringina.

Hitin frá eldsbrunanum gjørdi, at ovasta lagið á vegabreytini bráðnaði, og má tí umvælast áðrenn vegurin kann latast uppaftur.

Vakthavandi hjá løgregluni sigur, at Landsverk hevur boðað frá, at tað “tekur nakrar dagar” áðrenn vegurin er umvældur.