USA sigur seg hava prógv fyri at Iran leyp á tangaskipini

Amerikanska verjumálaráðið almannakunngjørdi í nátt fleiri myndir, sum sambært amerikumonnum vísa, at tað var Iran, sum stóð aftanfyri álopini á tey bæði tangaskipini í Omanvíkini í farnu viku.

Á myndini sær man, sambært Pentagon, iranska kollveltingarherin royna at flyta eina minu av japanska tangaskipinum Kokuka Courageous.

Stórabretland stuðlar USA í ákærunum um at tað er Iran, sum stóð aftanfyri álopini.