USA og Iran samráðast í Sveis

USA og Iran hittast seinnapartin til uppfylgjandi samráðingar í Bürgenstock í Sveis, boðar m.a. iranska uttanríkismálaráðið frá.

Umboð fyri pakistan og Katar luttaka eisini sum meklarar, upplýsir talsfólk hjá iranska uttanríkismálaráðnum.

Allir partar, harímillum amerikanski varaforsetin, J.D. Vance, og iranski uttanríkismálaráðharrin, Abbas Araghchi, eru komnir til Sveis.

USA og Iran undirskrivaðu herfyri eina rammuavtalu um m.a. 60 dagar langa vápnahvíld, meðan samráðingar halda fram um eina varandi friðaravtalu.

Vance upplýsti í gjár, sambært Ritzau, at amerikonsku samráðingarfólkini, Jared Kushner og Steve Witkoff, sum eisini eru í Sveis, higartil hava boðað frá, at tað gongst væl.

Hesum vóru iranar tó ikki samdir í, og eftir nýggj ísraelsk loftálop á Libanon, sum eisini var fevnt av avtaluni millum USA og Iran, boðaði Iran frá, at Hormuzsundið aftur var stongt fyri ferðslu.

Upplating av Hormuzsundinum var annars partur av avtaluni, og USA vísti aftur, at sundið skuldi vera stongt.