Uni Næs takkar fyri tíðina í Havnar kirkju

Sunnudagin 14. desember klokkan 11hevur Uni Næs, dómpróstur, fráfaringargudstænastu í Havnar kirkju.

Uni Næs tók við kallinum sum sóknarprestur í Suðurstreymoyar eystara prestagjaldi 1. februar 2010. Sama dag tók hann við embætinum sum dómpróstur. Nú fer hann frá fyri aldur.

Fólkakirkjan skrivar soleiðis um fráfarandi dómpróstin:

– Uni hevur verið íðin, nærverandi og góður at heita á hjá kirkjuliðinum og sóknarbørnunum. Hjá honum er tænastan sum prestur eitt hjartamál.

– Vælvera fólksins verður hansara egna vælvera, og sorg og tregi fólksins nemur prestin, ið er hjástaddur í avbjóðingunum og roynir at bera byrðarnar saman við fólkinum.

– Nú Uni fer úr embætinum fyri aldur, takkar Fólkakirkjan fyri trúgvu tænastuna.