Umbyggja Heilsudepilin í Runavík

Nú avgerð er tikin um, at fimm kommunulæknar skulu virka í Skálafjarðar læknadømi, verður farið undir at umbyggja Heilsudepilin í Runavík soleiðis, at rúm verður fyri øllum kommunulæknunum í einum og sama húsi.

TN-Bygging á Glyvrum skal gera arbeiðið, og mikudagin skrivaðu borgarstjórarnir í Nes- og Runavíkar kommunu saman við Torben Nielsen undir sáttmála um umvæling og nýbygging í niðaru hæddini í hølunum, har ið tríggir kommunulæknar virka á ovaru hæddini.

Væntandi verður arbeiðið liðugt í mai-juni mánaða 2026, skriva kommunurnar.