Ukraina: Fýra hava latið lív í russiskum álopum í nátt

Í minsta lagi fýra fólk hava latið lív í russiskum álopum á Ukraina í nátt.

Russland hevur sent yvir 500 dronur og yvir 40 rakettir yvir Ukraina í nátt.

Umframt at fýra fólk lótu lív, eru fleiri eisini særd, og álopið hevur eisini framt skaða á sivilt undirstøðukervi.

– Moskva ynskir at halda fram við at stríðast og drepa, og hava tey uppiborið harðasta trýstið frá umheiminum, sigur ukrainski forsetin, Volodymyr Zelenskyj.

Russisku loftálopini á Ukraina fingu eisini Pólland at senda hernaðarflogfør í luftina í nátt. Hetta hevði eisini við sær, at loftrúmið yvur tvær pólskar floghavnir stongdi.