Innanlands

Týskland letur landamørkini upp 15. juni

Ferðandi frá ES-londunum, umframt millum annað Stórabretlandi, Íslandi og Noreg, sleppa inn til Týsklands skjótt

Heiko Maas hevur í morgun kunngjørt, at týska markið verður latið upp fyri fleiri ferðandi. Forboðið verður tó sett í verk aftur, um koronasmittan fer at spreiða seg meira aftur (Mynd: EPA)

Heiko Maas hevur í morgun kunngjørt, at týska markið verður latið upp fyri fleiri ferðandi. Forboðið verður tó sett í verk aftur, um koronasmittan fer at spreiða seg meira aftur (Mynd: EPA)

2020-06-03 14:18 Author image
Agnar Prestá
placeholder

15. juni er dagfestingin, har sótthaldið verður tikið burtur sum tilmæli í Føroyum. Tað er eisini dagurin, har Danmark letur mørkini upp fyri ferðandi úr Noregi, Íslandi og Týsklandi.

Norðmenn, íslendingar og danir fara eisini at hava møguleikan at ferðast til Týsklands frá 15. juni. Týski uttanríkisráðharrin, Heiko Maas, boðar í dag frá, at ferðaforboðið fyri fólkum úr ávísum londum verður tikið burtur um 12 dagar.

Borgarar úr ES-londunum, umframt úr Stórabretlandi, Íslandi, Noreg, Liktinstein og Sveis, kunnu frá 15. juni koma inn til Týsklands. 

Nú rímiligt tamarhald er á koronasmittuni í flestu londunum í Evropa, er møguligt at lata mørkini miera upp. Heiko Mass slær tó fast, at um útbreiðslan tekur dik á seg aftur, verður ferðaforboðið sett í gildi aftur.

placeholder

Vinarliga broyt tínar kennifíla - og privatlívsstillingar fyri at síggja hetta innihald

placeholder