Tvøroyri: 11 valevni stilla upp á nýggjum felagslista

Nýggjur felagslisti er gjørdur til kommunuvalið á Tvøroyri. Á listanum, sum varð kunngjørdur leygarkvøldið, eru bæði valevni av Kommunulistanum og Borgaralistanum.

Millum tey 11 valevnini eru Kristin Michelsen, borgarstjóri, og Alvi Mortensen, sum vórðu valdir inn í býráðið á Kommunulistanum og Anita Vibergsdóttir, varaborgarstjóri, sum varð vald inn á Borgaralistanum.

Á valinum fyri fýra árum síðani fekk Kristin Michelsen 297 atkvøður, Anita Vibergsdóttir fekk 70 atkvøður, og Alvi Mortensen 55.

Valevnini, ið stilla upp á nýggja Felagslistanum eru hesi:

• Jónleyg Jespersen Bech
• Mina Joensen
• Júst Albinus Johannesen
• Kristin Michelsen
• Alvi Mortensen
• Jónhild Midjord Nybo
• Ólavur Rasmussen
• Rasmus Rasmussen
• Reidar Simonsen
• Frits Strøm
• Anita Vibergsdóttir