Tvey klipp í gjár

Í gjár varð løgreglan úti og gjørdi ferðmátingar í Eysturoynni, og í hesum sambandi vórðu tveir bilførarar tiknir fyri at koyra ov skjótt.

Teir báðir koyrdu ávikavist 103 og 104 kilometrar um tíman, har mest loyvda ferðin er 80 kilometrar um tíman.

Teir fáa eitt klipp í part, upplýsir vaktleiðarin á løgreglustøðini í Havn, sum leggur afturat, at seinasta samdøgrið annars hevur verið friðarligt.