Tveir menn varðhaldsfongslaðir fyri at smugla og selja rúsevni

Ein ungur maður er varðhaldsfongslaður í fýra vikur fyri at hava smuglað og selt eina størri nøgd av rúsevni.

Tað skrivar løgreglan í stuttari fráboðan á Facebook fyrrapartin.

Løgreglan sigur, at tey kanna málið og hava tí ikki fleiri viðmerkingar í løtuni.

Eisini verður boðað frá, at ein maður í 30’unum seinast í september varð varðhaldsfongslaður í fýra vikur fyri at hava smuglað meira enn 5 kilo av hashi til Føroya. Rúsevnini vórðu funnin av tollvaldinum tá maðurin kom í land av Norrønu.