Tveir koyrdu ov skjótt og tveir koyrdu uttan hjálm

Í gjár var løgreglan úti og kannaði ferðsluna í Sandoynni, og í hesum sambandi vórðu fýra mál skrivað.

Tveir bilførarar fingu klipp í koyrikortið fyri at koyra ov skjótt í bygdum øki. Mest loyvda ferðin í økinum var 50 kilometrar um tíman, men hesir báðir koyrdu 77 kilometrar um tíman.

Eisini fingu tveir persónar, sum koyrdu á ATV bót fyri ikki at brúka hjálm, upplýsir vaktleiðarin á løgreglustøðini í Havn.