Tveir bilførar mistu koyrikortið á staðnum

Tveir bilførarar, sum freistaðust til at trýsta heldur hart á spitaran, tá teir koyrdu gjøgnum Kambsdal í gjárkvøldið, sleppa ikki at koyra aftur fyribils.

Um 21 tíðina kundi løgreglan staðfesta, at ein bilur koyrdi við eini ferð á minst 133 kilometrar um tíman.

Og bert ein hálvan tíma seinni kom ein annar bilur, sum helt eina ferð á minst 123 kilometrar um tíman.

Í báðum førum varð førararætturin tikin frá bilførarunum á staðnum, sendast máttu boð eftir øðrum at koyra bilarnar heim.