Mentan

TV2 avdúkaði luttakarar í beinleiðis sendingunum av misgáum

Brellbitin, sum lá á netinum er nú tikin av

Mynd: TV2

Mynd: TV2

2019-02-08 19:28 Author image
Sverri Egholm
placeholder

Tríggjar vikur áðrenn beinleiðis sendingarnar av danska X Factor fara í gongd, avdúkaði TV2 hvørjir luttakarar verða við í sendingunum, sum skulu finna fram til vinnaran.

Hetta var í einum brellbita á sjónbandatænastuni “Vimeo”. Sostatt er allur spenningurin í X Factor næstu tríggjar vikurnar rokin.

Tað er ilt at siga hvussu leingi brellbitin lá á netinum og hvussu nógv hava sæð hann.

- Hetta er øgiliga óheppið hjá okkum, og hetta er ein menniskjaligur feilur, sigur Jacob Weinreich, marknaðarstjóri á TV2 við BT.

- Vit mæla til, at tey, sum sóu brellbitan, ikki siga øðrum, so at tey ikki oyðileggja nakað fyri tey sum fylgja við X Factor.

X Factor byrjaði nú klokkan 19 á TV2, og verður sent í KVF klokkan 20:15. Í kvøld er tað Blachman sum skal finna sínar fimm luttakara í sonevnda “Five Chair Challenge”.

placeholder

Vinarliga broyt tínar kennifíla - og privatlívsstillingar fyri at síggja hetta innihald

placeholder