Alda Nielsdóttir
Amerikanski forsetin Donald Trump og forsetafrúan Melania Trump hava bæði fingið staðfest korona. Tað váttar Donald Trump á Twitter.
Tonight, @FLOTUS and I tested positive for COVID-19. We will begin our quarantine and recovery process immediately. We will get through this TOGETHER!
— Donald J. Trump (@realDonaldTrump) October 2, 2020
Tey bæði eru vorðin kannað eftir at ein ráðgevi hjá Trump, Hope Hicks, sum m.a. hevði flogið við forsetanum til orðaskiftið í Cleveland, og sum eisini var við honum á veljarafundi í Minnesota, varð vorðin illa fyri og síðani kannað.
Hope Hicks hevur eisini fingið staðfest korona, skriva fleiri miðlar.
Forsetahjúnini eru nú farin í sóttarhald.
USA er tað landið í heiminum, sum hevur staðfest flest smittutilburðir og flest andlát í sambandi við koronasmittuna.
Sambært Worldometers.info hevur USA skrásett fleiri enn sjey mió. tilburðir og fleiri enn 200.000 andlát.
Vinarliga broyt tínar kennifíla - og privatlívsstillingar fyri at síggja hetta innihald