Uttanlands

Trump farin í gongd við valstríðið

Amerikanski forsetin hevði fyrsta veljarafundin í gjár

2019-06-19 08:01 Author image
Ari av Rana
placeholder

Donald Trump, forseti í USA, setti í nátt gongd á sítt valstríð fyri valið í 2020. Áleið 20.000 veljarar møttu til veljarafundin í Orlando í Florida í nátt.

Trump brúkti fundin til m.a. at leypa á “fake news-fjølmiðlarnar”, sum hann sigur sita klár at skriva lygnir um hann.

- Har sita fleiri fake news-fjølmiðlar har afturi, segði Donald Trump og peikaði á tað økið í salinum, har fjølmiðlarnir sótu.

Veljararnir svaraðu hesum aftur við at rópa at “CNN stinkar”.

Trump segði at valið í 2016 var avgerandi fyri søguna hjá USA og at búskapurin í landinum aldrin hevur staðið seg sterkari.

Trump legði eisini eftir demokratunum, sum hann segði royna at skræða USA sundur og at oyðileggja tað USA, sum vit kenna í dag.

- Ein atkvøða fyri ein demokrat í 2020 er ein atkvøða móti einari øking í radikalari sosialismu og oyðingina av amerikanska dreyminum, segði forsetin.

placeholder

Vinarliga broyt tínar kennifíla - og privatlívsstillingar fyri at síggja hetta innihald

placeholder