Triði hvør peikar á Beinir sum løgmann

Undirtøkan fyri formanni Fólkafloksins sum komandi løgmanni er nú farin upp um 33 prosent. Tað vil siga, at triði hvør veljari nú heldur, at Beinir Johannesen skal vera løgmaður eftir komandi løgtingsval.

Seinasta hálvtannað árið hevur Beinir Johannessen ligið klárt í teimum kanningunum, har vit javnan hava spurt veljararnar um hvør tey halda skal sita við landsins leiðslu.

Men hetta er fyrstu ferð, at meira enn ein triðingur av veljarunum, 33,6 prosent í hesum føri, peika á Beinir Johannessen.

Harvið sæst eisini, at tað als ikki einans eru fólkafloksveljarar, sum peika á fólkafloksformannin, tí listi A stendur í nýggjastu veljarakanningini at fáa 31,2 prosent av atkvøðunum.

Sigast skal tó, at tað ikki er óvanligt at eitt løgmansevni hevur so stóra undirtøku. Beinir kemur í hesum føri ikki upp til popularitetin, sum farbróðir hansara, javnaðarformaðurin Aksel V. Johannesen hevði undan valinum í 2022. Í teirri einu kanningini, sum varð gjørd á sumri í 2022 vóru tað 39 prosent, sum peikaðu á Aksel V. Johannesen. Beint undan valinum vóru tað knøpp 36 prosent.

Les alla greinina ókeypis í Blaðnum Vikuskifti her