Tíðaravmarkað parkering verður nú eisini leygardag í Havn

Tórshavnar kommuna boðar frá, at framyvir verður tíðaravmarkað parkering eisini leygardag í miðbýnum í Havn. 

Hetta er orsakað av, at tað er trupult at finna tøkar parkeringsbásar í handilsgøtunum í miðbýnum í Havn leygarmorgnar. Tí verða flestu parkeringsbásarnir í miðbýnum við tíðaravmarkingini 30 minuttir eisini umfataðir av tíðaravmarking frá kl. 10 til 14 leygardagar.