placeholder
Innanlands

Tannáringar í missión

Í døgunum 16. – 27. juli koma 22 føroyskir tannáringar at vitja í so fjarskotnum londum sum Albania og Moldova

2018-07-19 16:34 Author image
Tíðindaskriv
placeholder

Í døgunum 16. – 27. juli koma 22 føroyskir tannáringar at vitja í so fjarskotnum londum sum Albania og Moldova. Tað gongur tó ikki altið eftir ætlan.

Meiningin var, at tey skuldu fara úr Føroyum seinasta leygardag, 14. juli, við flogfari til Keypmannahavnar, og síðani við flogfari beinleiðis úr Keypmannahavn ávíkavist til Albania og Moldova.

Ferðaforðingar

Liðið, sum skuldi til Moldova, fór tó úr Føroyum til tíðina og er komið í øllum góðum til Moldova, men liðið, sum skuldi til Albania, og sum hevði ferðaseðil við SAS, kom at liggja veðurfast í Vágunum frá leygardegnum til mánamorgunin. Tey fingu  umbookað ferðaseðilin til Atlantsflog, og tí komu tey avstað mánamorgunin. Tey gistu eina nátt í Kristnastovu í Keypmannahavn. Tey fóru úr Keypmannahavn við flogfari via Rom til Albania, har tey lendu, eftir nógvar ferðaforðingar, týskvøldið kl.20.30.

 Ferðaleiðarar

Við í ferðalagnum eru ferðaleiðararnir Anita og Oddmar Tausen, sum vera við í Albania, meðan ferðaleiðararnir Tanja Mortensen og Jónleif Danielsen vera við í Moldova. Anita skrivar soleiðis á facebook, eftir at tey eru komin til Albania: “So komu vit loksins fram til Albanien. Vit eru mega móð nú, men fara til verka kl.08:45 mikumorgunin!”  

TIM

Tað er missiónsfelagsskapurin TIM (Teens In Missions/Tannáringar Í Missión) sum stendur fyri arbeiðinum, og sum er ein felagsskapur undir stóra altjóða Missiónsfelagsskapinum Operation Mobilsation (OM).

Fátækar familjur

Føroysku tannáringarnir koma, saman við føroysku ferðaleiðarum sínum, at arbeiða millum fátøk sigoynarabørn og sigoynarafamiljur. Í Albania kemur liðið at arbeiða í býnum Lushjne, har tey koma at hava summarlegu fyri umleið 60 børnum. Eisini koma tey at vitja fátækar sigoynarafamiljur við mati og klæðum.

Tey hava við sær úr Føroyum hópin av bundum lutum, sum t.d. hosur, skóleistar, turriklæðir, húgvur o.a. Eisini koma tey at vitja samkomur, har tey koma at taka lut í sangi og vitnisburði.



placeholder

Vinarliga broyt tínar kennifíla - og privatlívsstillingar fyri at síggja hetta innihald

placeholder