Faðir og dóttir á býráðsfundi

Herman R. Samuelsen hevði forfall til býráðsfundin í Klaksvíkar kommunu í gjárkvøldið, og í hansara stað tók dóttir Karl Johansen borgarstjóra, Annika Karlsdóttir Ljósstein, sætið sum eykavald.

Annika fekk 48 persónligar atkvøður á kommunuvalinum í 2024, og var hetta fyrstu ferð at Annika tók sæti í býráðnum.

Hetta er samstundis fyrstu ferð í søguni hjá Klaksvíkar býráði, at tvey ættarlið úr somu familju hava sæti í somu setu og á sama býráðsfundi, skrivar Klaksvíkar kommuna.