Talan um lítla grind – gongur í tveimum bólkum

Tað gongur spakuliga framá við at reka grindina, sum varð funnin við Flesjarnar fyrrapartin, norður gjøgnum Sundalagið.

Sagt verður, at talan er um eina lítla grind. Hon gongur í tveimum bólkum – teir stóru hvalirnir fyri seg, og teir smærru fyri seg.

Her um 11-tíðina var grindin stødd út fyri Kolbeinagjógv, so tað gongur nokk ein løta, áðrenn grindin er komin norður til Hvalvíkar, upplýsir Finnbogi Midjord, sýslumaður.