Suðuroyar Sparikassi hækkar renturnar

Suðuroyar Sparikassi boðar nú eisini frá rentuhækkingum.

11. September 2026 hækkaði danski Tjóðbankin leiðandi rentuna við 0,25 prosentstigum, eftir at Evropeiski Miðbankin hevði hækkað rentuna, og føroyskir peningastovnar gera nú tað sama.

Í farnu viku boðaði Føroya Banki frá rentuhækkingum, og nú boðar Suðuroyar Sparikassi frá, at hann eisini hækkar renturnar.

Fyri bæði privat- og vinnukundar hækka út- og innlánsrenturnar við upp til 0,25 prosentstigum, skrivar Suðuroyar Sparikassi í tíðindaskrivi.

Broytingarnar koma í gildi 26. oktober, og rentu- og tænastuyvirlitini á heimasíðuni www.ss.fo verða dagførd, tá ið broytingarnar koma í gildi.