Stuðul til at økja um tilvitskuna um føroyska matframleiðslu

Í fíggjarlógini eru 850.000 krónur játtaðar til at fremja royndarverkætlanir, ið kunnu økja framleiðsluna, nýtsluna, virðingina og tilvitskuna um stuttfluttar føroyskar dygdargóðar og heilsugóðar matvørur, og Umhvørvis- og vinnumálaráðið, ið umsitur játtanina, lýsir nú eftir umsóknum um stuðul til slíkar verkætlarnir.

Verkætlanirnar skulu hava til endamáls at upplýsa um og gera heilsugóðan mat úr føroyskum rávørum og føroyskari framleiðslu í gerandisdegnum og í undirvísing. Eitt nú kunnu dagstovnar, skúlar, bústovnar og ellis- og røktarheim søkja saman við lokalum framleiðarum, áhugabólkum og fakfólkum, skrivar Uttanríkis- og vinnumálaráðið.

Málið er, at í minsta lagi tríggjar verkætlanir, og helst fleiri, verða framdar, og einki minsta mark er fyri stødd á verkætlanum.

Freistin at søkja um stuðul er 30. apríl.