Stórt trýst á Suðuroyarleiðini

Tað er rættiliga stórt trýst á Suðuroyarleiðini í hesum døgum. Jóansøka á Tvøroyri um vikuskiftið og Strandferðslan flytir eini 3000 ferðafólk yvir um fjørðin hesar dagarnar.

Umframt Smyril á leiðini, so hjálpir Teistin til í dag eisini við farmasigling, og har sleppa ferðafólk eisini við.

Teistin gjørdi ein túr suður fyrrapartin og klokkan 16:30 verður aftur ein túr av Havnini. Talan er um farmatúr, men ferðafólk sleppa við, men plássbílegging er ikki galdandi.

Á Tvøroyri gera tey nógv burturúr jóansøkuni hesaferð, nú hetta er 100. ferð, at hon verður hildin.