Stóri bátadagurin hjá Naddoddi verður leygardagin

Summarið er farið at halla og tað merkir, at árligi Bátadagurin, hjá Bátafelagnum Naddoddi, er á skránni.

Soleiðis skrivar bátafelagið í dag.

Leygardagin klokkan 14 savnast bátarnir inn fyri Sandinum á Trongisvági.

Farið verður, í samlaðum flokki, siglandi eftir fjørðinum út til Naddoddaneystið, har ein hugnaløta verður.

Fyrireikararnir fegnast um, at veðurforsøgnin er góð: Veðurforsøgnin sigur eitt lítið lot, turt, við møguleika fyri sól og einum 14 hitastigum