Stórabretland trýstir Saudiarabia

Stórabretland leggur nú trýst á Saudiarabia fyri at fáa at vita hvat hendi, tá saudiarabiski tíðindamaðurin Jamal Khashoggi lat lív.

Jamal Khashoggi var dripin inni á saudiarabiska konsulátinum í Istanbul 2. oktober, men enn er ikki greitt júst hvussu hann lat lív.

Fleiri útlendskir miðlar skrivar, at bretski uttanríkisráðharrin, Jeremy Hunt, í dag fer á vitjan í Saudiarabia, har hann millum annað fer at leggja trýst á Salman kong og Mohammed bin Salman krúnprins, í eini roynd at finna útav hvat hendi, tá Khashoggi varð dripin.