Stewart brøðurnir spæla í Klaksvík  

Føroyingar, sum leita sær á Summarfestival í Klaksvík í hesum døgum, sleppa eisini at uppliva annan tónleik um somu tíð sum festivalurin verður hósdag, fríggjadag og leygardag.

Tað eru “Stewart Brothers Guitar Duo”, sum  fara  at framføra akustiskar guittarkonsertir hvønn dag 7., 8. og 9. august, allar dagar kl 19.  Atgongumerki til konsertirnar eru avmarkaði, og kunnu bíleggjast á netinum umvegis atgongumerki.fo. Harumframt fara teir at hava framsýning við egnum myndum.

Guitarduoin
“Stewart Brothers Guitar Duo”, sum Graham og Neil Stewart hava stovnað – beiggjar, sum hava føroyska mammu og skotskan pápa – hevur sínar røtur í einum lívslangum bandi, sum byrjaði í barnaárunum. 

Nú hevur duoin heimstað í Skotlandi og framførir ævintýrkendar spanskar guitartulkingar av samtíðarsangum hjá listafólkum sum Queen, Foo Fighters, Norah Jones, umframt sangir úr Meksiko og Kuba millum nógv onnur. 

Debutalbum hjá teimum, Songs Without Words, sum Óli Poulsen hevur framleitt, er sett at koma út í ár.

Beiggjarnir eru virknir bæði í føroyska og bretska tónleika- og myndlistapallinum.

Mikudagin spældu teir í Norðurlandahúsinum og kvøldið fyri í Havnar Kirkju við luttøku av Karl Martin Samuelsen og Lindu Andrews.

Listaframsýning

Graham og Neil sýna eisini  fram egin verk. Neil hevur sýnt fram sína list mangar ferðir, men hetta verður fyrsta framsýningin hjá Graham.

Listaframsýningin, sum er ókeypis at vitja, verður opin hvønn dag 7., 8. og 9. august. frá 14:00 til 19:00.

Frá konsertini í Norðurlandahúsinum í vikuni. Mynd Jan Müller