Starvsfólk heiðrað fyri drúgva tænastu

Í gjár var móttøka á kommunuskrivstovuni á Tvøroyri í sambandi við at fleiri starvsfólk vórðu heiðrað fyri drúgva tænastu í starvi hjá kommununi.

At arbeiða undir sama arbeiðsgevara í so mng ár, ber vitnisburð um, at her er gott at vera og tað eru vit í Tvøroyrar kommunu takksom fyri, segði borgarstjórin Kristin Michelsen millum annað.

Hann takkaði starvsfólkunum fyri innsatsin hesi seinastu, mongu árini og handaði teimum eina gávu.

Hesi vórðu heiðrað:

Ása Midjord, í 25 ár hevur hon koyrt líkbilin.
Svanna Nielsen, 20 ár í barnaansingini.
Barbara Debes, 20 ár í reingerðini í Tvøroyrar skúla.
Helena Holm, 15 ár í barnaansingini.
Heidi Park, 15 ár í barnaansingini.