ST-kjarnorkustovnur hevur aftur eftirlit við iranskum kjarnorkuverkum

Altjóða kjarnorkustovnurin hjá ST (IAEA) hevur í vikuni tikið eftirlitið uppaftur á iranskum kjarnorkuverkum.

– Eftirlitsvitjanirnar eru loyniligar, og vit kunnu ikki vátta staðsetingina, men vit kunnu vátta, at eftirlitsvitjanir hava verið hesa vikuna, skrivar IAEA sambært Ritzau.

Nærum 180 lond samstarva við IAEA, sum hevur til endamáls at forða fyri útbreiðslu av kjarnorkuvápnum í heiminum og tryggja, at kjarnorka verður nýtt á ein tryggan hátt. IAEA hevur m.a. eftirlit við, hvussu nógv uppríkað uran Iran hevur.

Samstarvið millum IAEA og iranska stýrið steðgaði annars í juli, eftir at Ísrael og USA høvdu lopið á Iran.

Les eisini: ST: Revsitiltøk móti Iran sett í gildi aftur