Søguligt føroyskt avrik í NM fyri seyðahundar

Eftir tveir spennandi innleiðandi dagar í Norðurlandameistarakappingini fyri seyðahundar, sum verður hildin uttanfyri Trondheim í Noregi, hevur Føroyar fingið ein søguligan finaluluttakara.

Anna Sofía Fjallheim og tíkin Midge hava tryggjað sær pláss í finaluni, sum verður hildin í dag, sunnudagin 31. august.

Hetta er fyrstu ferð, at ein kvinna úr Føroyum hevur rokkið finaluni í NM fyri seyðahundar, og tað er eitt stórt framstig fyri føroyska luttøku í altjóða seyðahundakappingum.

Kappingin hevur savnað tey bestu liðini úr øllum Norðurlondum, og støðið hevur verið sera høgt. Finalan kann síggjast beinleiðis á netinum á sheepdogtrials.tv.

Seyðahundasamband Føroya