Skúlin í Vestmanna skal umvælast

Vestmanna kommuna hevur ætlanir um at gera stórar ábøtur á skúlan í bygdini. Talan er um tveir bygningar, sum skulu umvælast. Annar frá 1950’unum og hin frá 1960’unum, skrivar heimasíðan hjá kommununi.

Arbeiðið fevnir, sambært heimasíðuni hjá kommununi, um:

• Allur klimaskermurin skal gerast av nýggjum, og tað mesta av lendisgólvinum skal brótast upp og gerast av nýggjum. Ávísar broytingar í betongdekki og betongveggum eru týðandi partur av uppgávuni.
• Nýggj vesikjarna við gong í trimum hæddum verður nýggjur bygningspartur.
• Allar installatiónir skulu skiftast og nútímansgerast.
• Elevator skal setast í bygningin uppat verandi høvuðstrappum.
• Omaná verandi flata betongtak, skal reising byggjast við trækonstruktión.
• Tilsamans fevnir arbeiðið um góðar 2700 fermetrar.
• Royndir eru tiknar og staðfest er, at nakað av vandamiklum evnum eru at taka atlit til í arbeiðinum.

Ætlanin er at bjóða millum 3 og 5 undangóðkendar fyritøkur at koma við tilboði um at standa fyri høvuðsarbeiðstøkuni. Freistin at søkja um undangóðkenning er 20. mars.