Skuldsettur fyri harðskap

Ein persónur er skuldsettur fyri harðskap í sambandi við eina hending uttan fyri ein bústað í Havn tíðliga í gjárkvøldið.

Talan var um eina ósemju millum tveir persónar, sum endaði við, at tann eini bleiv sligin í andlitið og fekk eitt sindur av skaða, sigur vaktleiðarin á løgreglustøðini í Havn.

Vaktleiðarin leggur afturat, at seinasta samdøgrið sum heild hevur verið friðarligt, og at lítið av fólki hevur verið í býnum.

Tó vórðu tveir bilførarar eisini tiknir fyri at koyra ávirkaðir.

Tann fyrri varð tikin í Suðurstreymoynni seint seinnapartin í gjár, og vísti tað seg, at viðkomandi var ávirkaður av rúsevnum.

Tann seinni varð tikin tíðliga í morgun og er skuldsettur fyri at koyra ávirkaður av rúsdrekka.