Skifta tekjuna á Christianskirkjuni komandi ár

Í vár verður eftir ætlan fari undir arbeiðið at skifta tekjuna á Christianskirkjuni.

Sáttmáli um arbeiðið varð undirskrivaður millum Christianskirkjuna og Articon mikudagin.

Sunnvard Andreasen, stjóri í Articon, og Maria Olsen, forkvinna í kirkjuráðnum, skrivaðu undir sáttmálan í kirkjukjallaranum.

Sáttmálin ljóðar uppá knappar 14,9 milliónir kr. Harumframt fevnir samlaða verkætlanin um aðrar kostnaðir til eitt nú projektering, ráðgeving, eftirlit o.a., skrivar Christianskirkjan.