Sjey prutl tikin í Runavík

Fleiristaðni hevur verið boðað frá, at fólk hava avbjóðingar við prutlum, sum larma um næturnar. Hesum hava tey m.a. havt avbjóðingar við í Runavík, har løgreglan var og kannaði ferðsluna í nátt.

Í hesum sambandi eydnaðist tað løgregluni at fáa fatur á sjey prutlum, sum eftir øllum at døma hava koyrt ov skjótt, sigur vaktleiðarin á løgreglustøðini í Havn.

Løgreglan legði hald á prutlini, og skulu tey nú kannast nærri. M.a. skal kannast, um prutlini eru bygnaðarbroytt, so tey kunnu koyra skjótari, enn tey hava loyvi til.