Sirið megnar ikki at fylgja framgongdini hjá Tjóðveldi

Tjóðveldi gjørdi eitt lop í hesum løgmanskanningunum, tá floksformaðurin gjøgnum gott 25 ár, Høgni Hoydal, varð skiftur út við fyrstu forkvinnu í flokkinum síðan stovnanina.

Frá eini undirtøku á sløk 7 prosent, leyp talið upp á 14 prosent í fyrstu kanning eftir at Sirið tók yvir. Í aðru kanningini, í mars í ár, vóru tað 15,4 prosent, sum peikaðu á Sirið sum løgkvinnu. Síðan er undirtøkan minkað fyrst til 13,3 og nú til 12,4.

Hetta er er rættiliga merkisvert, tí undirtøkan fyri Tjóðveldi er vaksandi í nýggjastu kanningini, frá 14,8 prosentum í mai til 16,7 prosent nú í august.

Men undirtøkan fyri forkvinnuni sum løgkvinnu hevur ikki megnað at fylgt við.

Sostatt er tað nú munandi færri tjóðveldisveljarar, sum peika á egnu forkvinnu sum løgkvinnu.

Les alla greinina ókeypis í Blaðnum Vikuskifti her