Mentan

Siloakórið hevur árligu konsertina í annaðkvøld

Hon byrjar í samkomuni Siloa klokkan 20. Á skránni eru sangirnir, ið kórið hevur vant ígjøgnum veturin, saman við fleiri "góðum gomlum"

Eyðun á Lakjuni er kórleiðari

Eyðun á Lakjuni er kórleiðari

2023-05-16 14:42 Author image
Tíðindaskriv
placeholder

Eins og mongu undanfarnu árini býður Siloakórið í Fuglafirði til konsert, nú áðrenn farið verður í summarfrí.

Kórið, ið er knýtt at samkomuni í Siloa, hevur mong ár á baki og hevur sínar regluligu venjingar eina ferð um vikuna.

Konsertin verður í Siloa nú mikukvøldið, tann 17. mai klokkan 20.

Á skránni eru sangirnir, tey hava vant ígjøgnum veturin, saman við góðum gomlum. Tað eru fyri tað mesta sangir, ið tónleikaliga eru í tí lættara endanum, og teir flestu eru við undirspæli. Eisini eru fleiri solistar, ið syngja saman við kórinum.

Kórleiðari er Eyðun á Lakjuni.

Aftaná konsertina verður ein drekkamuður at fáa.

placeholder

Vinarliga broyt tínar kennifíla - og privatlívsstillingar fyri at síggja hetta innihald

placeholder