Seks deyð í álopi á Kyiv í nátt

Seks fólk eru deyð, og níggju eru særd í einum russiskum rakett- og dronuálopi á ukrainska høvuðsstaðin, Kyiv í nátt, boðar borgarstjórin, Vitalij Klytjko frá á boðtænastuni Telegram í morgun.

Fleiri íbúðabygningar vórðu raktir í álopinum, og boðað varð frá fleiri eldsbrunum, skrivar Ritzau.

Eisini Russland boðar frá dronuálopum.

Í Rostov-landslutinum, sum er nær við markið til Ukraina, boðar virkandi guvernørurin, Jurij Sljusar frá, at trý fólk eru deyð og 16 fólk eru særd í einum ukrainskum dronuálopi.

Russiska verjumálaráðið sigur, sambært Reuters, at 249 ukrainskar dronur vórðu skotnar niður yvir Russland í nátt, harav 116 yvir Svartahavið og 92 yvir landslutirnir Krasnodar og Rostov.