Agnar Prestá
Í gjárkvøldið, beint áðrenn klokkan 21.30 føroyska tíð, neyðlendi eitt flogfar hjá SAS í Sturup Lufthavn, beint við Malmö. Talan var ikki um nakra ógvusliga lending; TV2 lýsir tað sum eina "sikkerhedslanding".
Hon varð neyðug, tí at roykur var komin í kabinuna. Talan var ikki um nakran eld, helst sambært tí sum umboð frá bjargingartænastuni greiddi Aftonbladet frá, var at luftskipanin var vorðin ov heit.
63 fólk vóru umborð á SAS-flogarinum, ið var ávegis til Warszawa - eingir trupulleikar vóru viðvíkjandi lendingini og eingin fekk nakran skaða. Súrevnismaskurnar umborð vóru tó tiknar í brúk.
SAS váttar hetta fyri DR, og at flogfarið, ið fór úr Kastrup klokkan 21.49 lokala tíð, lendi aftur 30-35 minuttir eftir hetta í Svøríki.
Flogfarið setur aftur kósina móti póllendska høvuðsstaðnum í morgin
Vinarliga broyt tínar kennifíla - og privatlívsstillingar fyri at síggja hetta innihald