Sarkozy sleppur úr fongslinum

Eftir at hava sitið í fongsli í minni enn tríggjar vikur er fyrrverandi franski forsetin, Nicolas Sarkozy leyslatin aftur.

Tað var í september, at 70 ára gamli Sarkozy varð funnin partvíst sekur í sum floksformaður og sitandi ráðharri at hava loyvt tøttum samstarvsfeløgum og politiskum stuðlum at seta seg í samband við stýrið í Libya fyri at fáa fíggjarligan stuðul upp til valið í 2007.

Dómarin metti tó ikki, at prógv vóru fyri, at Sarkozy sjálvur hevði brúkt pengar frá libysku stjórnini í forsetavalstríði sínum. Sostatt varð hann fríkendur fyri mutur og fyri at hava tikið ímóti ólógligum fíggjarligum stuðli, men hann varð tó funnin sekur í samansvørjing, skrivar Ritzau.

Sarkozy, sum var forseti frá 2007 til 2012 fekk fimm ára fongsulsrevsing. Hann hevur noktað seg sekan, og málið varð kært. Ein dómstólur í París hevur nú avgjørt, at hann sleppur úr fongslinum, meðan bíðað verður eftir kærumálinum, sum væntast at vera í vár. Ímeðan skal hann sita heima við hús undir eftirliti.