Samanstoytur í Miðvági

Í gjárkvøldið klokkan 21.30 var eitt ferðsluóhapp í Miðvági.

Talan var um ein frontalan samanstoyt millum tveir bilar, sum hendi, tá tann eini bilurin skuldi snara til vinstru, og ein mótkoyrandi bilur koyrdi inn í hann.

Júst hví óhappið hendi veit løgreglan ikki at siga, men tað verður kannað nærri, sigur vaktleiðarin á løgreglustøðini í Havn.

Tilsamans fimm fólk vóru í bilunum. Bilarnir fingu nakað av skaða, men fólkini í bilunum fingu ikki stóran skaða.